არგენტინის ფეხბურთელთა ეროვნული ნაკრების მთავარი მწვრთნელი ალეხანდრო საბელია, მსოფლიოს 2014 წლის ჩემპიონატის ფინალური ეტაპის კენჭისყრით კმაყოფილია.
“მთავარია, რომ არგენტინას “სიკვდილის ჯგუფი” არ შეხვდა. გარდა ამისა, თამაშების კალენდარიც კარგია, რადგან ბევრი ფრენა არ მოგვიწევს. რა თქმა უნდა, ჯგუფში პირველ ადგილზე გასვლას ვაპირებთ. მთავარი, სიმშვიდე და კონცენტრაციაა. ამ თვისებების ხარჯზე მსოფლიოს ჩემპიონატზე წარმატების მიღწევა შესაძლებელია” – იუწყება საბელიას სიტყვებს გამოცემა Ole.
შეგახსენებთ, რომ F ჯგუფში არგენტინის მეტოქეები ბოსნია-ჰერცეგოვინა, ირანი და ნიგერია იქნებიან.
