“ვესტ ბრომვიჩის” თავდამსხმელმა ნიკოლა ანელკამ უახლოეს მომავალში შესაძლოა “ლაციოს” მაისურა მოირგოს. 34 წლის ფორვარდმა პრემიერლიგის 22-ე ტურში, “ვესტ ჰემის” კარში გატანილი გოლი საფრანგეთში პოპულარული ჟესტით აღნიშნა, რომელიც ნაცისტების მისალმებას წააგავს და ინგლისის ფეხბურთის ასოციაციისგან 5-მატჩიანი დისკვალიფიკაციით დაისაჯა.
“ვესტ ბრომვიჩის” პრობლემა მარტო ფეხბურთელის დასჯით არ ამოწურულა. კლუბის მთავარმა სპონსორმა “Zoopla”-მ ხელმძღვანელობას კატეგორიულად მოსთხოვა ანელკასთან კონტრაქტის გაწყვეტა. წინააღმდეგ შემთხვევაში კი დაფინანსების შეჩერებით დაიმუქრა.
Sky Sport Italia-ს ცნობით, “ლაციო” ფეხბურთელს ნახევარწლიან კონტრაქტს სთავაზობს.
