ინგლისური “ვესტ ბრომვიჩის” 35 წლის თავდამსხმელი, ნიკოლა ანელკა ბრაზილიური “ატლეტიკო მინეირუს” ფეხბურთელი გახდა. ამის შესახებ თავის ტვიტერში კლუბის პრეზიდენტმა, ალეშანდრე კალილმა დაწერა. ანელკას კონტრაქტის ვადა და ანაზღაურება ჯერჯერობით უცნობია. ერთი კი ცხადია, რომ ფრანგის ბრაზილიურ კლუბში გადასვლის ერთ-ერთი მთავარი მიზეზი, იქ რონალდინიოს ყოფნაა. მათ ერთმანეთი ჯერ იდევ 2001 წელს გაიცნეს, როცა ერთად თამაშობდნენ პსჟ-ში. შეგახსენებთ, რომ “ატლეტიკო მინეირუ” ანელკას კარიერაში მე-13 კლუბია.
