მადრიდის “რეალის” მთავარმა მწვრთნელმა კარლო ანჩელოტიმ უარყო ესპანური სააგენტოების მიერ გავრცელებული ინფორმაცია, “სამეფო კლუბის” ხელმძღვანელობის მადრიდის “ატლეტიკოს” გოლკიპერ ტიბო კურტუათი დაინტერესების შესახებ. იტალიელმა სპეციალისტმა ჟურნალისტებს უთხრა, რომ გუნდის ახლანდელი მეკარეები იკერ კასილასი და დიეგო ლოპესი თავიანთ საქმეს ბრწყინვალედ აკეთებენ და მათ პოზიციაზე კონკურენციის გაზრდა აუცილებლობას არ წარმოადგენს.
“ჩვენ ორი უმაღლესი კლასის მეკარე გვყავს. მათი გარჯით ძალიან კმაყოფილები ვართ და კურტუაზე ნამდვილად არ გვიფიქრია” – განაცხადა ანჩელოტიმ.
