მადრიდის “რეალის” თავკაცი კარლო ანჩელოტი “ელჩესთან” პრიმერა დივიზიონის უკანასკნელი ტურის მატჩში თავისი გუნდის თამაშით უკმაყოფილო დარჩა. იტალიელს მიაჩნია, რომ მასპინძლები ქულას იმსახურებდნენ.

“მატჩით უკმაყოფილო ვარ, რადგან აბსოლუტურად განსხვავებულ სტილში უნდა ვთამაშობდეთ. “ელჩესთან” მატჩში დიდი პრობლემები შეგვექმნა. რა თქმა უნდა, შედეგი მნიშვნელოვანია, მაგრამ ასეთი თამაში სიხარულს არ მანიჭებს. უკეთესად უნდა ვიასპარეზოთ. “ელჩემ” აგრესიულად ითამაშა და ფრესაც იმსახურებდა. თუკი “ატლეტიკოსთან” მადრიდულ დერბიშიც ასე ვითამაშებთ, ჩვენი საქმე ცუდად იქნება”, - განუცხადა ანჩელოტიმ Marca-ს.

შეგახსენებთ, რომ “რეალი” “ელჩეს” ეწვია და 2:1 დაამარცხა. გამარჯვების მომტანი გოლი მსაჯის მიერ დამატებულ მე-6 წუთზე, კრიშტიანუ რონალდუს მიერ შესრულებული პენალტით გავიდა.