მადრიდის “რეალის” დამრიგებელი კარლო ანჩელოტი კიდევ ერთხელ საუბრობს იმ მიზეზზე, რის გამოც მესუთ იოზილმა გუნდის დატოვება გადაწყვიტა და აცხადებს, რომ მას ანხელ დი მარია უკეთეს ფეხბურთელად მიაჩნია.

“ვიცოდი, რომ იოზილი მოლაპარაკებებს სხვა კლუბთან აწარმოებდა და მას წასვლა სურდა. უპირატესობას ანხელ დი მარიას ვანიჭებ, რადგან ის იოზილზე უკეთესი ფეხბურთელია. მესუთმა იცოდა, რომ მას კონკურენცია ელოდა და ის ყოველ მატჩში ვერ ითამაშებდა. სწორედ ამიტომ გადაწყვიტა მან წასვლა.” – განაცხადა იტალიელმა, რომელიც გუნდის საამსეზონო მიზნებზეც საუბრობს – “ჩემპიონთა ლიგის ნახევარფინალში გასვლა არ დამაკმაყოფილებს. ამ ეტაპამდე აქამდეც ბევრჯერ მივსულვარ. ჩვენი მიზანი ფინალის მოგებაა.”