მადრიდის “რეალის” მთავარი მწვრთნელი “ატლეტიკოსთან” გასამართი მატჩის წინ კომენტარს აკეთებს და საკუთარ გუნდს კონცენტრაციისკენ მოუწოდებს.
“არ მიმაჩნია, რომ “ატლეტიკო” ზედმეტად უხეშად თამაშობს. ბევრი გუნდი ცდილობს მეტოქეს საკუთარი შესაძლებელობების წარმოჩენის საშუალება არ მისცეს და ის ნებისმიერი საშუალებით შეაჩეროს.
“ატლეტიკოს” მხრიდან გამოვარჩევდი გუნდის სათამაშო სტილს, რომელიც დადებითი შედეგების ჩვენებაში ეხმარება. გასულ სეზონში, ამ გუნდმა ესპანეთის ჩემპიონატი მოიგო და ჩემპიონთა ლიგის ფინალში გააღწია. მათთან თამაში ძალიან გაგვიჭირდა.
რაში გამოიხატება “ატლეტიკოს” სტილი? დაცვაში საიმედო თამაში, შეტევაში სწრაფად გადასვლა და ასევე ხისტი თამაში.
კონცენტრაცია უნდა შევინარჩუნოთ. მეტოქე შეცდომებს არ გვაპატიებს.” – განაცხადა ანჩელოტიმ 13 სექტემბერს გასამართი მადრიდული დერბის წინ.
