მოსკოვის “სპარტაკის” ნახევარმცველს ჯანო ანანიძეს მედიასთან კომენტარის გაკეთება აუკრძალეს. ამის შესახებ დუბლშემადგენლობაში გადაყვანილმა ფეხბურთელმა “სოვეტსკი სპორტთან” განაცხადა:

“უკომენტაროდ. მითხრეს, რომ არაფერი ვთქვა”.

სანკტ-პეტერბურგის “ზენიტის” დუბლშემადგენლობასთან გოლისა და საგოლე პასის ავტორ ანანაძის თამაში, “სპარტაკის” სარეზერვო გუნდის მთავარმა მწვრთნელმა ვლადიმირ ბესჩასტნიხმა ასე დაახასიათა:

“თამაში ნებისმიერი ფეხბურთელისთვის მნიშვნელოვანია. მეორე მხრივ, შესაძლოა, მისთვის სიახლე იყო, რომ დუბლშემადგენლობათა მატჩში სერიოზული დონეა და ძალიან მჭიდროდ თამაშობენ. მართალია, ასაკით უმცროსი ბიჭები არიან, მაგრამ სასტარტო შემადგენლობის ფეხბურთელებივით იბრძვიან. მიხარია, რომ ის დაგვეხმარა. ძირითადი გუნდიდან ჩამოშორების ეპიზოდს რაც შეეხება, მე მსგავს თემებს არ განვიხილავ. ის ბიჭები, რომლებიც პირველ გუნდთან და დუბლებში ვარჯიშობენ, მას ჩვეულებრივად ესალმებიან და ისიც სალამით პასუხობს. ჯერ პრობლემას ვერ ვხედავ”.