ჯანო ანანიძემ “როსტოვის” შემადგენლობაში სრული დატვირთვით ვარჯიში განაახლა. ამის შესახებ საფეხბურთო კლუბ “როსტოვის” ოფიციალური ვებგვერდი იუწყება.

რუსეთის პრემიერლიგის განვლილ ტურში, სტუმრად გროზნოს “ტერეკთან” წაგებულ (0:3) მატჩში, ანანიძეს მცირე ტრავმის გამო არ უთამაშია. “როსტოვის” რუსეთის თასის ნახევარფინალისთვის ემზადება, რომელშიც პირველი დივიზიონის “ლუჩ-ენერგიას” შეხვდება და ანანიძემ თანაგუნდელებთან ერთად ყოველგვარი შეზღუდვის გარეშე ივარჯიშა.

“როსტოვი”-“ლუჩ-ენერგიას” დაპირისპირება 17 აპრილს გაიმართება.