მოსკოვის “ტორპედოსთან” პლეი აუტში წაგებული (0:2) მატჩის შემდეგ, სამარას “კრილია სოვეტოვის” გულშემატკივრებმა გუნდის ავტობუსი გააჩერეს.

რუსული პრესის ინფორმაციით, “კრილია”, რომელსაც ალექსანდრე ამისულაშვილი კაპიტნობს თამაშის მერე რამოენსკოედან ბრუნდებოდა, როდესაც 40-მა “ფანმა” გზა გადაკეთა და ავტობუსს წინსვლის საშუალება აღარ მისცა. გულშემატკივრები პირველი დივიზიონის “ტორპედოსთან” მარცხისთვის ფეხბურთელებისგან ახსნა-განმარტებასა და ბოდიშს ითხოვდნენ.

მოთამაშეები ავტობუსიდან არ ჩამოვიდნენ და უკმაყოფილო ქომაგებთან მოლაპარაკება გუნდის ადმინისტრატორმა სერგეი პარამონოვმა გადაწყვიტა. საბოლოოდ, მხარეები შეთანხდნენ, რომ ორშაბათს კლუბის საწვრთნელ ბაზაზე შეხვდებოდნენ და თავის პოზიციას დააფიქისირებდნენ.