მადრიდის “რეალის” ნახევარმცველი ჩაბი ალონსო მზადაა “სამეფო კლუბთან”, ახალი კონტრაქტის თაობაზე, მოლაპარაკებები აწარმოოს.

ალონსოს, როემელსაც მიმდინარე სეზონში ტრავმის გამო ჯერ არ უთამაშია, “რეალთან” კონტრაქტი მიმდინარე სეზონის ბოლომდე აკავშირებს. აქამდე არსებული ინფორმაციით, ბასკი შუახაზელი მადრიდული გუნდიდან წასვლასთან ახლოს იყო. მის მიმართ ინტერესს ლონდონის “ჩელსი” და ტურინის “იუვენტუსი” იჩენდნენ. თუმცა, როგორც ჩანს, თავად ფეხბურთელს ესპანეთის დედაქალაქში დარჩენა სურს.

“იმ დროის განმავლობაში, როდესაც ტრავმირებული ვიყავი, ახალ კონტრაქტზე საუბრის უფლება არ მქონდა. ახლა კი, მოლაპარაკებებს მშვიდად დავიწყებთ.” – ციტირებს ალონსოს სიტყვებს Marca.