ბრაზილიელი მცველი ალექსი და ფრანგული გრანდი პსჟ, შესაძლოა, ახალი კონტრაქტის გაფორმებაზე შეთანხმდნენ.
ცოტა ხნის წინ გავრცელდა ინფორმაცია, რომ 31 წლის ფეხბურთელმა კლუბს თანამშრომლობის გაგრძელებაზე უარი უთხრა, თუმცა, ახლა, Lequipe-სთან საუბრისას ალექსმა პარიზულ გუნდში დარჩენის სურვილი გამოთქვა.
“პარიზულ გუნდში წარმატებული თამაშისთვის ძალ-ღონეს არ ვიშურებ და ვიმედოვნებ, რომ ახალ კონტრაქტსაც დავიმსახურებ” - განაცხადა ალექსმა, რომელიც შესაძლოა, ზაფხულში თავისუფალი აგენტი გახდეს.
ლიგა 1-ის მიმდინარე სეზონში ჩატარებულ 26 მატჩში ბრაზილიელმა ორი გოლი გაიტანა.
