ცნობილი ბრაზილიელი თავდამსხმელის, ადრიანოს აგენტი აცხადებს, რომ ფეხბურთელის სიცოცხლე საფრთხეშია.
“მისი სიცოცხლის საკითხი მანაღვლებს. ადრიანოს ფსიქოლოგი სჭირდება. მისი საფეხბურთო კარიერა არ მაინტერესებს. მასზე, როგორც ადამიანზე ვღელავ. ადრიანო დეპრესიაშია და მას არავინ ეხმარება. მამის სიკვდილი, პრობლემები ალკოჰოლთან...
ადრიანო, ჩემთვის, შვილივითაა. შესაძლებელია თუ არა, რომ მან სუიციდი ჩაიდინოს? არ ვიცი, მაგრამ ძალიან ვნერვიულობ. მას სპეციალისტის დახმარება სჭირდება.” – ციტირებს ადრიანოს აგენტის, ჟილმარ რინალდის სიტყვებს უოლ ესპორტე.
31 წლის ადრიანო, რომელიც 2012 წელს “კორინთიანსიდან” წავიდა, ამჟამად, უგუნდოდაა.
