მიუხედავად გაძლიერებული დაცვისა, მილანელ ვარსკვლავებთან მიახლოება და ფოტოების გადაღება პრესამ მაინც მოახერხა. ფეხბურთელები საკმაოდ სიტყვაძუნწები აღმოჩნდნენ, თუმცა გალიანის ჩათვლით, ყველამ აღნიშნა, რომ ძალიან მოხარულები არიან საქართველოში ყოფნით და თვლიან, რომ მათი ადგილი კალაძის გვერდითაა.
ადრიანო გალიანი: “ძალიან მოხარული ვარ, რომ საქართველოში ვარ. ვთვლი, რომ ჩემი ადგილი კახის გვერდითაა, რადგან ის ჩემი მეგობარი და კოლეგაა. ყველას გვიხარია, რომ ჩვენს მეგობარს ერთად გავაცილებთ”.
