18 წლის ბელგიელი შემტევი ადნან იანუზაი ყველაზე მაღალანაზღაურებადი თინეიჯერია, რომელსაც “მანჩესტერ იუნაიტედში” უთამაშია.
ცოტა ხნის წინათ, ბელგიელმა ფეხბურთელმა “წითელ ეშმაკებთან” ახალი კონტრაქტი გააფორმა. ინგლისელი ჟურნალისტების ცნობით, ის კვირაში 60 ათას ფუნტს მიიღებს. ეს იმაზე მეტია, ვიდრე ამ ასაკში კრიშტიანუ რონალდუ, უეინ რუნი, დენი უელბეკი, კრის სმოლინგი, ფილ ჯონსი ან ტომ კლევერლი გამოიმუშავებდნენ.
