ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ პრესკონფერენციაზე ლონდონის "ჩელსის" ნახევარმცველის სესკ ფაბრეგასთან დაკავშირებით ისაუბრა.
ესპანელი ფეხბურთელი "ფურია როხას" ტრავმის მიუხედავად მაინც შეუერთდა, დელ ბოსკეს კი მისი შემცვლელი არ მოუძებნია.
"ფაბრეგასს შემცვლელს არ მოვუძებნით, რადგან გვინდა ჩვენმა ექიმებმა გასინჯონ იგი. ჩვენ ამით უპატივცემულობას "ჩელსის" მედიკოსთა ჯგუფის მიმართ არ გამოვხატავთ. სხვა ფეხბურთელი არ გამოგვიძახებია და ფაბრეგასი ჩვენთან რჩება. სულ ესაა მისი ისტორია", - განაცხადა ესპანელმა სპეციალისტმა.
ლონდონელთა მთავარმა მწვრთნელმა ჟოზე მოურინიომ განაცხადა, რომ ნახევარმცველს ბარძაყის ტრავმა აწუხებს და თუ ფაბრეგასი სანაკრებო მატჩებში მაინც მიიღებს მონაწილეობას იგი კლუბში გამიზეზებული ტრავმით დაბრუნდება.
