პოლონური ინტერნეტპორტალ 90minut.pl-ის ინფორმაციით, ექსტრაკლასაში მოასპარეზე ლეჩნას “გურნიკში” ორი ქართველი ფეხბურთელი გიორგი ალავერდაშვილი და ზურაბ ცისკარიძე ისინჯება.

27 წლის ნახევარმცველმა ალავერდაშვილმა საქართველოს ეროვნული ჩემპიონატის პირველი წრე რუსთავის “მეტალურგში” გაატარა, რომლის შემადგენლობაში 8 მატჩი ჩაატარა და ერთი გოლი გაიტანა.

რაც შეეხება 28 წლის მცველ ცისკარიძეს, ეს უკანასკნელი ამერიკის შეერთებული შტატების მოქალაქეა და ბოლოს ტაილანდის “ბანგკოკ კლასში” ასპარეზობდა.

ლეჩნას “გურნიკს” 24 ქულით პოლონეთის 16-გუნდიან ჩემპიონატში მე-11 ადგილი უკავია.