ფეხბურთი

2:00 | 10.01.2015 | ნანახია [] - ჯერ

ლიგა 1-ში ლიდერი დამარცხდა

საფრანგეთის ჩემპიონატის მე-20 ტური მონპელიეში დაიწყო, კურბისის გუნდმა ბიელსას მოთამაშეებს უმასპინძლა. მოულოდნელად ჩემპიონატის ლიდერი დამარცხდა ცხრილის მე-10 ადგილოსანთან. დიდი როლი გამარჯვებაში “მონპელიეს” 17-მა ნომერმა პოლ ლასნემ ითამაშა. პირველი გოლისას კევინ ბერიგუდს გაატანინა, ხოლო მეორე ტაიმში თავად გაიტანა. 25 წლის ცაციამ ლიგა 1-ის მიმდინარე სეზონში გახსნა გოლების აქტივი. წლების წინ ლასნემ “ბორდოში” ვერ მოიკიდა ფეხი, რასაც კარიერის “აიაჩოში” გაგრძელება მოჰყვა, გასულ ზაფხულიდან კი კურბისის გუნდის მაისური აცვია.

მარსელო ბიელსამ ცვლილება გამოიცნო. 68-ე წუთზე ბათშუ 21 წლის აბდელ ომრანმა შეცვალა. ახალგაზრდა შემტევმა ლიგა 1-ში პირველად გაიტანა, თუმცა საფრანგეთის დაბალ ლიგაში, სადაც “მარსელის” სარეზერვო გუნდი თამაშობს მიმდინარე სეზონში 3 გოლი შეაგდო.

“მარსელი” 20 ტურის შემდეგ 41 ქულით კვლავ პირველ ადგილზეა, თუმცა “ლიონის” გამარჯვების შემთხვევაში ლიდერობას დაკარგავს. ფურნიეს გუნდს 2 ქულით ნაკლები, 39 ქულა აქვს.

დღევანდელი გამარჯვებით “მონპელიემ” 29 ქულა მოაგროვა და მერვე ადგილზე აინაცვლა.

მონპელიე – მარსელი 2:1 (1:0)

მონპელიე, “ალტრად სტედიუმი”

მონპელიე: ლიგალი, კონგრე, ელ კუტარი, ჰილტონი, დაბო, მუნიე (დეპლანე 78), ლასნე, მარვუა, სანსონი, ბარიოსი (კამარა 72), ბერიგუდი (ბაკარი 87)

მთავარი მწვრთნელი: კურბისი

მარსელი: მანდანდა, ჯა ჯეჯე (ლემინა 83), ფანი, მორელი, მენდი, რომაო (ბუტობა 85), იმბულა, ტოვინი, ბათშუ (ომრანი 68), პაიე, ჟინიაკი

მთავარი მწვრთნელი: ბიელსა

გოლები: 1:0 ბერიგუდი (ლასნეს პასით, 37), 2:0 ლასნე (მუნიეს პასით 62), 2:1 ომრანი (ჯა ჯეჯეს პასით, 68)

მთავარი მსაჯი: ბენოი ბასტიენი

გაფრთხილება: მენდი (17), ომრანი (70), ტოვინი (78)

0.117046