ინგლისურმა “მანჩესტერ იუნაიტედმა” გამოცდილი მეკარე ვიქტორ ვალდესი დაიმატა. აღნიშნული ინფორმაცია “წითელი ეშმაკების” ოფიციალურმა ვებგვერდმა დაადასტურა.

ესპანელი კიპერი ინგლისურ კლუბს თავისუფალი აგენტის სტატუსით შეუერთდა და 1.5-წლიანი კონტრაქტი გააფორმა.

შეგახსენებთ, რომ ვალდესი “ბარსელონას” ღირსებას 2002-2014 წლებში იცავდა და ამ დროის განმალობაში “ბლაუგრანას” მაისური 535-ჯერ მოირგო. ზაფხულის შემდეგ 32 წლის მეკარე უკლუბოდ იმყოფებოდა.