ავსტრალიის ქალაქ ბრისბენის Brisbane International-ის ტურნირზე პირველ ნომრად განთესილმა 33 წლის როჯერ ფედერერმა კორტის მასპინძელ ჯონ მილმანს რთული ორთაბრძოლა 4:6, 6:4, 6:3 მოუგო და მეოთხედფინალში გავიდა. ფედერერის მომდევნო მოწინააღმდეგე ასევე ავსტრალიელი ჯეიმს დაკვორტია, რომელმაც ფინალ იარკო ნიემინენს სძლია.

ფედერერისა და მილმანის დაპირისპირებამ 2 საათს გასტანა. როჯერის ანგარიშზე 8 ეისი და 4 ბრეიკია. ფედერერის სადღეისოდ რეიტინგში 153-ე საფეხურზე მყოფ მილმანს პირველად შეხვდა.

“ბედმა გამიღიმა. ბოლო გეიმებამდე მეტოქე კარგად თამაშობდა და მაღალი კლასის ჩოგბურთს უჩვენებდა მაყურებელს. მილმანმა მაიძულა მთელი შესაძლებლობით მეთამაშა. საერთოდ, სეზონის პირველი მატჩი ყოველთვის რთულია. მოგებით გახარებული ვარ”, - განაცხადა ფედერერმა მეოთხედფინალში გასვლის შემდეგ.