იტალიის სერია A-ს მე-17 ტურში, “ემპოლიმ”, სადაც ლევან მჭედლიძე გამოდის, საკუთარ მოედანზე “ვერონას” ვერ მოუგო – 0:0.

საქართველოს ნაკრების თავდამსხმელი თადარიგში იყო და თამაშში 79-ე წუთზე მასიმო მაკარონეს მაგივრად ჩაერთო. “ემპოლის” 18 ქულა აქვს და 20-გუნდიან ჩემპიონატში მე-13 პოზიციაზეა.

რაც შეეხება “ემპოლის” კიდევ ერთ ქართველ ლეგიონერს, ირაკლი შეყილაძეს, 22 წლის ფორვარდი კლუბმა “პიზაში” გაანათხოვრა, რომელიც იტალიის ლეგა პრო B-ში (მე-3 ლიგა) ასპარეზობს.