საჩხერის “ჩიხურამ” საქართველოს საფეხბურთო ეროვნული ჩემპიონატის მეორე წრის დაწყებამდე ნახევარმცველები ლევან შარიქაძე და გიორგი განუგრავა, აგრეთვე, ფორვარდი მიხეილ სარდალიშვილი დაიმატა.
პირველ წრეში 25 წლის შარიქაძემ “ზესტაფონში” 13 მატჩი ჩაატარა და 2 გოლი გაიტანა. 22 წლის სარდალიშვილმა ზესტაფონელთა მაისური 14-ჯერ მოირგო და მეტოქეთა კარი 2-ჯერ აიღო. 26 წლის განუგრავამ ჩემპიონატის პირველი ნახევარი ბოლნისის “სიონში” გაატარა, სადაც 11 შეხვედრაში იასპარეზა.
