ბრიტანული მედიის ინფორმაციით, ინგლისის ნაკრების და “ევერტონის” ნახევარმცველმა როს ბარკლიმ შესაძლოა კარიერა “მანჩესტერ სიტის” შემადგენლობაში გააგრძელოს.

“ქალაქელები” ახალგაზრდა ფეხბურთელის შეძენას ჯიუტად ცდილობენ და მზად არიან ბარკლის სანაცვლოდ “ევერტონს” 45 მილიონი გირვანქა გადაუხადონ. თავის მხრივ, ლივერპულელებს პრემიერლიგაში საქმეები კარგად არ მისდით. ბოლო ოთხი შეხვედრა რობერტო მარტინესის გუნდმა დათმო და, შესაძლოა, ბარკლიმ კლუბიდან წასვლა მოინდომოს.

მანჩესტერელები თვლიან, რომ ინგლისელს კარიერის აღმასვლისთვის სწორედ ძლიერი გუნდი დაეხმარება. მიმდინარე სეზონში 21 წლის ფეხბურთელმა 15 მატჩი ჩაატარა და თავი მხოლოდ ერთი გატანილი გოლით გამოიჩინა. ინგლისელს “ევერტონთან” კონტრაქტი 2018 წლის ივლისამდე აკავშირებს.