ამირან სანაია კარიერას საფრანგეთის საფეხბურთო მე-3 ლიგის კლუბ “პარიზში” გააგრძელებს.

“პარიზის” ვებგვერდის ინფორმაციით, 25 წლის ქართველმა მარცხენა მცველმა კონტრაქტი მიმდინარე სეზონის ბოლომდე გააფორმა. პარიზელები 18-გუნდიან მე-3 ლიგას 32 ქულით ლიდერობენ.

სანაია შარშან დეკემბერში საფრანგეთის ლიგა 2-ის აუსაიდერ “შატორუში” ისინჯებოდა, მაგრამ კონტრაქტის გაფორმებამდე საქმე არ მივიდა.

ის საფრანგეთში 2007 წლიდან თამაშობს - “ლე მანის”, “ბასტიასა” და “ლუზენაკის” ღირსება დაუცავს.