ლონდონის “არსენალის” ფრანგმა მთავარმა მწვრთნელმა არსენ ვენგერმა ზამთრის სატრანსფერო პერიოდის განმავლობაში მისი გუნდის სტრატეგიაზე ისაუბრა. “მეთოფეთა” ბოლო ათწლეულების უცვლელი დამრიგებლის თქმით, კლუბის სატრანსფერო პრიორიტეტი შუა ხაზის მოთამაშეებს მიენიჭებათ.
“თუკი ჩვენი გუნდის მატჩებს მიადევნეთ ყურადღება, შეამჩნევდით, რომ ტრავმების გამო ყველაზე მეტად მოედნის ცენტრში გაგვიჭირდა. ამიტომაც შუა ხაზის გაძლიერება გვმართებს. ამ მიმართულებით ვმუშაობთ და სატრანსფერო პერიოდში “არსენალისთვის” საჭირო ფეხბურთელებს შევიძენთ”, - განაცხადა ვენგერმა Guardian-ის კორესპონდენტთან საუბრისას.
