ბოლო დღეებში “ჰალ სიტის” ფეხბურთელ ჰატემ ბენ არფას ტრანსფერთან დაკავშირებით სხვადასხვა შინაარსის ინფორმაციები ჩნდება. “ნიცასა” და “ოლიმპიაკოსის” გარდა, ფრანგი შემტევის დამატების სურვილი “ჰამბურგსაც” აქვს.
ჰამბურგული პრესა, კერძოდ, როგორც Hamburger Morgenpost-ი იტყობინება, “ნიუკასლსა” და “ჰამბურგს” შორის მოლაპარაკებები მიმდინარეობს - გერმანული კლუბის მხრიდან მოთამაშის იჯარით აყვანაზეა საუბარი.
27 წლის ფრანგმა სეზონი განათხოვრების წესით “ჰალ სიტიში” დაიწყო, თუმცა წარუმატებლად, რასაც მოჰყვა ცნობები ბენ არფას სხვა კლუბში შესაძლო გადასვლის შესახებ.
მისი “ნიუკასლში” დაბრუნება პრაქტიკულად გამორიცხულია, რადგან “კაჭკაჭების” დატოვების ერთ-ერთ მიზეზი ფეხბურთელსა და გუნდის მთავარ მწვრთნელს ალან პარდიუს შორის არსებული კონფლიქტი იყო.
