“სქაი სპორტის” ინფორმაციით, ინდური “დინამო დელის” იტალიელი თავდამსხმელი ალესანდრო დელ პიერო შესაძლოა უნგრულ “ჰონვედში” გადაბარგდეს. ფერენც პუშკაშის ყოფილ გუნდი მზადაა 40 წლის ლეგენდარული ფეხბურთელი თავის რიგებში იახლოს.

აღსანიშნავია, რომ “ჰონვედს” დელ პიეროს გადაბირება ჯერ კიდევ “დინამო დელიში” გადასვლამდე სურდა, თუმცა ვეტერანმა ფეხბურთელმა სათამაშოდ ინდოეთში წასვლა ამჯობინა.

დელ პიეროს კარიერის გამორჩეული და საუკეთესო წლები ტურინის “იუვენტუსში” აქვს გატარებული, რომლის ღირსებასაც იგი 1993-2012 წლებში იცავდა.