ფეხბურთი

11:11 | 26.12.2014 | ნანახია [] - ჯერ

ოფიაციალურად: ადრიანო “ლე ავრში” ითამაშებს

ბრაზილიის ეროვნული ნაკრების ყოფილი ფეხბურთელი ადრიანო კარიერას საფრანგეთის მეორე დივიზიონის ბინადარ კლუბ “ლე ავრში” გააგრძელებს.

აღნიშნული ინფორმაცია თავად ფეხბურთელმა საკუთარი “თვითერის” ოფიციალურ გვერდზე დაადასტურა: “ვულოცავ შობას ჩემ ახალ გულშემატკივრებს. ახალი გამოწვევის მიღებით ბედნიერი ვარ.”

ადრიანომ კარიერის მნიშვნელოვანი ნაწილი მილანის “ინტერში გაატარა. ბრაზილიელი თავდამსხმელი “ნერაძურის” რიგებში იტალიის ჩემპიონი ზედიზედ ოთხჯერ 2005/06, 2006/07, 2007/08, 2008/09 წლების სეზონში გახდა. ადრიანოს ბოლო კლუბი ბრაზილური “ატლეტიკო პარანაენსე” გახლდათ. ბრაზილიის ეროვნულ ნაკრებში თავდამსხმელს 48 შეხვედრა ჩაუტარებია და მეტოქე 27-ჯერ დაუმწუხრებია.

0.110716