მადრიდის “რეალის” ერთ-ერთი ლიდერი ლუკა მოდრიჩი მოედანზე იმაზე ადრე დაბრუნდება, ვიდრე ეს დაანონსებული იყო. ამ ინფორმაციას AS-ი ავრცელებს.
ხორვატმა ნახევარმცველმა მარცხენა ბარძაყის მყესი ნოემბრის შუაში დაიზიანა. თავდაპირველი ინფორმაციით, მის გამოჯანმრთელებას 3 თვე დასჭირდებოდა. თუმცა, თუ მადრიდულ პრესას დავუჯერებთ, მოდრიჩის მკურნალობა დაგეგმილზე უკეთ მიმდინარეობს და თუ ყველაფერი ასე გაგრძელდა, პრიმერას გასული გათამაშების საუკეთესო ნახევარმცველი მოედანს იანვრის ბოლოსთვის დაუბრუნდება.
