ბაქოს “ინტერის” მთავარ მწვრთნელს კახა ცხადაძეს დისკვალიფიკაციის ვადა არ შეუმცირეს. ინტერნეტპორტალ azerisport.com-ის ინფორმაციით, აზერბაიჯანის ფეხბურთის ფედერაციათა ასოციაციის სააპელაციო და საექსპერტო კომისიამ “ინტერის” თხოვნა ცხადაძისთვის სასჯელის შემცირების თაობაზე არ დააკმაყოფილა.

ქართველი სპეცილისტი აზერბაიჯანის პრემიერლიგის მე-12 ტურში “ხაზარ-ლენქორანთან” შინ მოგებული (3:1) მატჩის დროს სტუმართა სპორტულ დირექტორთან მომხდარი ინციდენტის გამო 5 მატჩიანი დისკვალიფიკაციით დასაჯეს. კერძოდ, ცხადაძემ და იუნის გუსეინოვმა შეხვედრის მსვლელობისას ერთმანეთს სიტყვიერი შეურაცხყოფა მიაყენეს.

დისკვალიფიკაციის გარდა, მათ 5000-5000 მანათი გადახდა დააკისრეს.