ფეხბურთი

15:13 | 21.12.2014 | ნანახია [] - ჯერ

ტერი "ჩელსისთან” კონტრაქტის გაგრძელებას აპირებს

ლონდონის “ჩელსის” კაპიტანმა, 34 წლის ჯონ ტერიმ განაცხადა, რომ კონტრაქტის გახანგრძლივებას აპირებს. მცველს ლონდონურ კლუბთან ხელშეკრულება 2015 წლის ზაფხულამდე აკავშირებს.

“ჯერ კიდევ შემიძლია, გუნდს სარგებელი მოვუტანო. ამბობენ, რომ ფეხბურთელი 29-30 წლის ასაკში წურავს თავის შესაძლებლობებს. ახლანდელ ჩემს ფორმასა და როცა 27-28 წლის ვიყავი, მაშინდელ კონდიციებს შორის, ვერანაირ განსხვავებას ვერ ვხედავ. მსურს “ჩელსისთან” კონტრაქტი გავახანგრძლივო.”- ტერის სიტყვებს Daily Mirror ციტირებს.

ჯონ ტერი “ჩელსიში” 1998 წლიდან დღემდე თამაშობს. მცველმა “ჩელსის” გუნდის ფორმა 430-ჯერ მოირგო და 34 გოლი გაიტანა. 2000 წელს ჯონი, რამდენიმე თვით, “ნოტინგემ ფორესტში” იყო განათხოვრებული, სადაც მხოლოდ 6 მატჩი ჩაატარა.

0.115018