ესპანური საფეხბურთო კლუბ “ბეტისის” ხელმძღვანელობამ მთავარ მწვრთნელად პეპე მელი დანიშნა. ამის შესახებ კლუბის ოფიციალური ვებგვერდი იუწყება.

51 წლის მელისთვის “ბეტისი” უცხო ნამდვილად არაა, რადგან მის თავკაცად 2010-2013 წლებში უმუშავია.

ამჟამად, “ბეტისი” სეგუნდა დივიზიონში გამოდის, სადაც 17 ტურის შემდეგ 30 ქულით მე-4 ადგილი უკავია. პეპემ კლუბთან კონტრაქტი მიმდინარე სეზონის ბოლომდე გააფორმა და სევილიელების პრიმერადივიზიონში გადასვლის შემთხვევაში ხელშეკრულებას ორი წლით გაახანგრძლივებს.

მელი ბოლოს ინგლისის “ვესტ ბრომვიჩში” მუშაობდა, საიდანაც 2014 წლის მაისში დაითხოვეს.