“რეალის” მთავარმა მწვრთნელმა კარლო ანჩელოტიმ მსოფლიოს საკლუბო ჩემპიონატის ნახევარფინალში “კრუს ასულთან” მოგების შემდეგ განაცხადა, რომ მექსიკურ კლუბთან არც თუ ისე მარტივი მატჩი გამოვიდა.

“არც თუ ისე მარტივი მატჩი გამოვიდა, მაგრამ გუნდმა კარგად ითამაშა და მოვიგეთ. ახლა გადამწყვეტი შეხვედრა დაგვრჩა. კასილიასის მოგერიებული პენალტი გადამწყვეტი მომენტი იყო. იკერს რომ არ გადავერჩინეთ, შეიძლება მეორე გოლიც გაეტანათ. რონალდუ? პორტუგალიელმა ძალიან კარგად და ეფექტურად ითამაშა, მაგრამ გოლი ვერ გაიტანა, ვფიქრობ რონალდუმ გოლი ფინალისთვის შეინახა”- განაცხადა კარლო ანჩელოტიმ.

“რეალმა” მსოფლიო საკლუბო ჩემპიონატის ნახევარფინალში მექსიკური “კრუს ასული” 4:0 დაამარცხა. გოლები რამოსმა (15წთ.), ბენზემამ (36), ბეილმა (50) და ისკომ (72) გაიტანეს.