"ლვერკუზენი"-"გლადბახი" მშვენიერი საყურებელი გამოდგა. პირველ ტაიმში უპირატესობას მასპინძლები ფლობდნენ და კისლინგის პასით, ჩალჰანოღლუმ ლამაზი გოლი გაიტანა. როჯერ შმიდტის გაწვრთნილებს კიდევ შეეძლოთ გატანა, თუმცა ტაიმის ბოლო წუთებზე აქეთ გაუშვეს: სტანდარტული სიტუაცია, თორგან აზარი აწვდის, მასპინძლების დაცვა ირევა და მცველი ბრაუერსი ახლოდან ზუსტად ურტყამს – 1:1.

ედენ აზარის ძმა ვახსენეთ და ერთ-ერთი საუკეთესო იყო მინდორზე. ისე, მსაჯს მის წინააღმდეგ წესების დარღვევისთვის ემირ სპაჰიჩი შეეძლო გაეგდო. ეს ეპიზოდი პირველივე ტაიმში იყო. სპაჰიჩი კარიერის განმავლობაში იმდენჯერაა გაძევებული, ეტყობა, მსაჯმა მისგან ჩვეულებრივ მომენტად მიიჩნია უხეშობა.

"გლადბახმა" მეორე ტაიმი პირველზე უკეთ ჩაატარა და წაგებას ნამდვილად არ იმსახურებდა. გუნდები მესამე-მეოთხე ადგილებზ განთავსდნენ.

"ვოლფსბურგმა" შინ ვერ მოუგო დებიუტანტ "პადერბორნს". ბევრს ეცადნენ "მგლები", მაგრამ მეკარე ლუკას კრუზეს ვერ აჯობეს. პადერბორნელთა კარის დარაჯმა არაერთხელ გადაარჩინა თავისიანები, ივან პერიშიჩს კი სულაც პენალტი აუღო. მასპინძლებმა ვერ გაიტანეს თერთმეტმეტრიანი? სამაგიროდ, სტუმრებმა იხეირეს და გაათანაბრეს – ეს მეჰამ მოახერხა.

"ვოლფსბურგი" მეორე ადგილზე დარჩა, მაგრამ 9 ქულით ჩამორჩა "ბაიერნს". ისე, არა გვგონია, "მგლებს" ჩემპიონობის ილუზია ჰქონდეთ.

ლევერკუზენი-გლადბახი 1:1 (1:1)

ლევერკუზენი: ლენო, იედვაი, სპაჰიჩი, ტოპრაკი, ვენდელი, ბელარაბი, ლარს ბენდერი, ჩალჰანოღლუ (ბრანდტი 71), კასტრო, კისლინგი, სონი (როლფესი 57)

მწვრთნელი: როჯერ შმიდტი

გლადბახი: სომერი, ბრაუერსი, დომინგესი, იანჩკე, კორბი, ჰანი, ტორგან აზარი (რაფაელი 89), ჰერმანი (ტრაორე 79), კრამერი, ჯაკა, მაქს კრუზე (ჰრგოტა 90)

მწვრთნელი: ლუსიენ ფავრი

გოლები: 1:0 ჩალჰანოღლუ (18), 1:1 ბრაუერსი (41)

გაფრთხილება: ვენდელი (27), კისლინგი (49), დომინგესი (51), იედვაი (63), ლარს ბენდერი (90)

მსაჯი: გაგელმანი

ბურთის ფლობა: 54-46; კარში დარტყმა: 22(10)-7(7); კუთხური: 5-6; თამაშგარე: 2-1; სეივი: 6-9; ჯარიმა: 20-13

ვოლფსბურგი-პადერბორნი 1:1 (1:0)

მაინცი: ბენალიო, იუნგი (ჰუნტი 70), კნოჩე, ნალდო, შეფერი, არნოლდი, დე ბრუინი, ლუის გუსტავო, ვიერინია, პერიშიჩი (კალიჯური 70), დოსტი (ბენდტნერი 85)

მწვრთნელი: დიტერ ჰეკინგი

პადერბორნი: ლუკას კრუზე, ჰანემაიერი, რაფა, შტროდიკი, ბაკალორცი, ბრიუკნერი (კუჩკე 46), მეჰა, რუპი, შტოპელკამპი (ციგლერი 72), ვემერი, კაჩუნგა (დუკში 84)

მწვრთნელი: ანდრე ბრაიტენრაიტერი

გოლები: 1:0 რაფა (17, საკ. კარში), 1:1 მეჰა (51 პენ)

30-ე წუთზე პერიშიჩმა (ვოლფსბურგი) ვერ გაიტანა პენალტი (მეკარე)

გაფრთხილება: პერიშიჩი (20), ჰანემაიერი (24), შტროდიკი (30), ნალდო (52), ლუის გუსტავო (57), არნოლდი (73)

მსაჯი: გრაფე

ბურთის ფლობა: 64-36; კარში დარტყმა: 21(14)-6(4); კუთხური: 11-1; თამაშგარე: 4-0; სეივი: 3-13; ჯარიმა: 19-19