ბრიტანული მედიის ინფორმაციით, გერმანიის ნაკრების და გელზერკირხენის "შალკეს" მცველმა ბენედიქტ ჰიოვედესმა შესაძლოა კარიერა ლონდონის "არსენალში" გააგრძელოს.

"მეთოფეები" მზად არიან, გერმანელებს მსოფლიო ჩემპიონის სანაცვლოდ 15 მილიონი ევრო გადაუხადონ. ლონდონური კლუბის წარმომადგენლები 6 დეკემბერს "შალკეს" და "შტუტგარტის" დაპირისპირებასაც დაესწრნენ და ფეხბურთელს აკვირდებოდნენ.

მიმდინარე სეზონში 26 წლის გერმანელმა მცველმა ბუნდესლიგასა და ჩემპიონთა ლიგაზე 15 მატჩი ჩაატარა და ორი გოლის გატანა მოახერხა.