“ინდიანა პეისერსის” ცენტრმა როი ჰიბერტმა მუხლის ტრავმა მიიღო, - ამ ინფორმაციას Sportando ავრცელებს. ჰიბერტი “ვაშინგტონ ვიზარდსთან” (90:97) მატჩის დროს დაშავდა. როგორც წყარო იუწყება, კალათბურთელი პარკეტზე გასვლას რამდენიმე კვირა ვერ შეძლებს.

“ინდიანას” ჰიბერტის გარდა კიდევ 4 კალთბურთელი აკლია: დევიდ ვესტი (კოჭის ტრავმა), ჯორჯ ჰილი (მუხლის ტრავმა), ჯეი უოტსონი (ფეხის ტრავმა), პოლ ჯორჯი (ფეხი აქვს მოტეხილი).

ჰიბერტმა 7 მატჩი ჩაატარა და მისი საშუალო მონაგარი ერთ მატჩში 12.6 ქულა და 8.3 მოხსნა გახლდათ.

“ინდიანას” მიმდინარე სეზონში 1 მოგება და 6 წაგება აქვს, გუნდი აღმოსავლეთ კონფერენციაში 14 ადგილზე იმყოფება.: