შვეიცარიული "ბაზელის" მთავარმა მწვრთნელმა პაულო სოუზამ "ლივერპულთან" ჩემპიონთა ლიგის ბოლო ტურის (1:1) მატჩის შემდეგ განაცხადა, რომ მისმა გუნდმა გეგმის მიხედვით იმუშავა და შედეგსაც მიაღწია.

"მერვედფინალში გასვლა ისტორიული მომენტია. ეს ნიშნავს, რომ სწორი მიმართულებით მივდივართ. შევძელით და ძლიერი გუნდი გამოვთიშეთ ასპარეზობას, რაც ძალიან გვინდოდა. რთულია ეთამაშო "ლივერპულს", რომელიც ძლიერი კლუბია, ძლიერი მოთამაშეები და ძლიერი მწვრთნელი ჰყავს. ჩვენმა გეგმამ შედეგი გამოიღო, რაც მატჩამდე დავისახეთ. ვამაყობ ჩემი გუნდის თამაშით." - განაცხადა პორტუგალიელმა სპეციალისტმა.

"ბაზელი" ჩემპიონთა ლიგის 1/8-ფინალში მეორე ადგილით გავიდა. ევროპის უმთავრესი საკლუბო ტურნირის კენჭისყრა 15 დეკემბერს გაიმართება.