ჭადრაკი

2:02 | 10.12.2014 | ნანახია [] - ჯერ

ნაკამურამ ფანტასტიური შედეგით იმარჯვა!

ლონდონში მიმდინარეობს რიგით მეექვსე საჭადრაკო ფესტივალი London Chess Classic. ფესტივალი ღია ტურნირმა გახსნა, რომელშიც მოყვარულებთან და სხვა დიდოსტატებთან ერთად, სუპერტურნირის 6 მონაწილეც ასპარეზობდა – ფაბიანო კარუანა (იტალია), ვიში ანანდი (ინდოეთი), ანიშ გირი (ჰოლანდია), ჰიკარუ ნაკამურა (აშშ), ვლადიმირ კრამნიკი (რუსეთი) და მაიკლ ადამსი (ინგლისი).

ფანტასტიკური შედეგით – 10-დან 9.5 ქულა – ასპარეზობა იაპონური წარმოშობის ამერიკელმა ჰიკარუ ნაკამურამ მოიგო. გამარჯვებულს ერთი ქულით ჩამორჩა ანიშ გირი. 8 ქულა ერთბაშად ათმა მონაწილემ დააგროვა და დამატებითი მაჩვენებლებით შემდეგნაირად განაწილდნენ: 3. კარუანა (იტალია), 4. ანანდი (ინდოეთი), 5. კრამნიკი (რუსეთი).

სწრაფი ჭადრაკის შემდეგ, მონაწილეები დღეს ელვისებურ პარტიებში (4 წუთს+2 წამი თითოეულ სვლაზე) გაეჯიბრნენ ერთმანეთს. ოღონდ, რაპიდისგან განსხვავებით, აქ მხოლოდ სუპერტურნირის მონაწილეები ეჯიბრებოდნენ ერთმანეთს. შეჯიბრი ექვს მონაწილეს შორის ორ წრედ გაიმართა.

მონაწილეების დაგროვებული ქულები ექსპერიმენტის სახით შემდეგნაირად ითვლებოდა: მოგება +3 ქულა, ფრე - +1 ქულა, წაგება – 0 ქულა.

დაძაბული ბრძოლის შემდეგ, პირველობა სამეულმა გაინაიწილა და კოეფიციენტებით შემდეგნაირად განლაგდნენ:

  1. მაიკლ ადამსი (ინგლისი, 2715) – 17 ქულა 30- შესაძლებლობიდან;
  2. ჰიკარუ ნაკამურა (აშშ, 2906) – 17 (30);
  3. ვლადიმი კრამნიკი (რუსეთი, 2731) – 17 (30);
  4. ანიშ გირი (ჰოლანდია, 2731) – 16 (30);
  5. ვიში ანანდი (ინდოეთი, 2811) – 10 (30);
  6. ფაბიანო ნაკამურა (აშშ, 2695) – 9 (30).

0.103853