ესპანეთის ჩემპიონატის მე-14 ტური ორშაბათს გამართული ორი შეხვედრით დასრულდა. “ეიბარმა” შინ “ალმერია” მიიღო და ისტორიული გამარჯვება მოიპოვა.

ბასკები მიმდინარე სეზონში პირველად ასპარეზობენ ლა ლიგაში. კლუბმა გუშინ გამართულ შეხვედრაში 5 გოლის გატანა მოახერხა და ეს დღე სამუდამოდ ჩაწერა კლუბის ისტორიაში. თავადაც ხვდებით, რომ “ეიბარს” აქამდე 5 გოლი არასდროს გაეტანა ესპანური ფეხბურთის მთავარ ელიტაში. ანგარიშიდანაც ჩანს, რომ მასპინძელები დიდ უპირატესობას ფლობდნენ, რომელიც ნახევარი საათის შემდეგ, პიოვაკარის, ბერხონისა და ალბენტოსას გოლებით ანადგურებდნენ ანდალუსიელებს. ტაიმის ბოლოს სორიანომ ერთი ბურთი გაქვითა, თუმცა ამან ვერაფერი შეცვალა.
57-ე და 74-ე წუთებზე თავი ნავასმა და კაპამ გამოიჩეს, რასაც 77-ე წუთზე მენდეშის მიერ გატანილი კიდევ ერთი პრესტიჟის გოლი მოჰყვა – 5:2. დებიუტანტის კვალობაზე გაისკა გარიტანოს შეგირდები მშვენიერ შტაბეჭდილებას ტოვებენ და 19 ქულით მე-9 ადგილზე არიან. “ალმერია” 10 ქულით მე-17 პოზიციაზეა.

დღის მეორე და ტურის ბოლო შეხვედრა “სიუდად დე ვალენსიაზე” შედგა, სადაც აგილობრივმა “ლევანტემ” “ხეტაფესთან” ქულები გაიყო. სტუმრები იოდას მიერ 56-ე წუთზე გატანილი გოლით იგებდნენ, თუმცა შეცვლაზე შემოსულმა მარტინსმა კარგად ითამაშა და 71-ე წუთზე ვისენტე გუაიტა უშანსოდ დატოვა – 1:1. ლუკას ალკარაზის მოსვლის შემდგომ, “ლევანტეს” მდგომარეობა გაცილებით გაუმჯობესდა და ბოლო ადგილიდან კლუბმა მე-15 პოზიციამდე აინაცვლა. რაც მთავარია, თამაშის ხარისხი ბევრად უკეთესია, ვიდრე ხოსე ლუის მენდილიბარის დროს. “ხეტაფე” მე-12 ადგილზეა და გუშინდელ მეტოქეს მხოლოდ 2 ქულით უსწრებს.

ეიბარი – ალმერია 5:2 (3:1)

ეიბარი, “იპარუა”

ეიბარი (4-2-3-1): ირურეტა, რ.ნავასი, ალბენტოსა, კასტელიანო, ბოვედა, დ.გარსია, ბოატენგი, ბერხონი (კაპა 45), დელ მორალი (ერასტი 83), არუაბარენა, პიოვაკარი (აბრაჰამი 67).
მწვრთნელი: გაისკა გარიტანო

ალმერია (4-4-2): რუბენი, ველეზი, ტრახილიო, ხ.ნავარო, მანე, ტეიე, ველიგტონი, კორონა, ზონგო (მენდეში 64), ჰემედი (დენგდა 46), ბიფოუმა (ფ.სორიანო 34).
მწვრთნელი: ფრანცისკო როდრიგესი

გოლები: 1:0 პიოვაკარი (3), 2:0 ბერხონი (21), 3:0 ალბენტოსა (31), 3:1 ფ.სორიანო (43), 4:1 რ.ნავასი (57), 5:1 კაპა (74), 5:2 მენდეში (77).
გაფრთხილებები: პიოვაკარი, დ.გარსია, ბოატენგი, კაპა – კორონა, ტეიე, ველიგტონი
მსაჯი: ხოსე ლუის გონსალესი

ლევანტე – ხეტაფე 1:1 (0:0)

ვალენსია, “სიუდად დე ვალენსია”

ლევანტე (4-4-2): მარინიო, დ.ნავარო, ვინტრა, ივანი, კარაბელასი, სისოკო (რ.გარსია 68), დიოპი, ივანშიცი, მორალესი (კამარასა 78), ბარალი (რ.მარტინსი 61), კასადედუსი.
მწვრთნელი: ლუკას ალკარაზი

ხეტაფე (4-2-3-1): გუაიტა, ველაზკესი, ნალდო, ესკუდერო (ალექსისი 24), ვალერა, ლასენი, ხ.როდრიგესი, ჰინესტროზა (ვაზკესი 46), მიჩელი (ლეონი 78), იოდა, ლაფიტა.
მწვრთნელი: კოსმინ კონტრა

გოლები: 0:1 იოდა (56), 1:1 რ.მარტინსი (71).
გაფრთხილებები: კასადედუსი, კარაბელასი, ივანშიცი – ჰინესტროზა, ლასენი, ვალერა, ალექსისი
მსაჯი: მარიო მელერო ლოპესი

ბომბარდირები: კრიშტიანო რონალდუ (“რეალი”) – 23. ლეო მესი (“ბარსელონა”) - 13. ნეიმარი (“ბარსელონა”) – 11. კარლოს ბაკა (“სევილია”) -10. ქარიმ ბენზემა ("რეალი") - 8. ხოაკინ ლარივეი ("სელტა") – 7.