“მანჩესტერ იუნაიტედის” მთავარი მწვრთნელი, ლუის ვან გაალი ზამთრის სატრანსფერო პერიოდში რამდენიმე ცვლილებას გეგმავს – იუწყება ბრიტანული პრესა.

მიმდინარე სეზონში “იუნაიტედის” სუსტი წერტილი აშკარად დაცვის რგოლია. შესაბამისად, ჰოლანდიელ სპეციალისტს მინიმუმ ერთი მცველის დამატება სურს და რამდენიმე კანდიდატი უკვე ჰყავს შეგულებული. როგორც ცნობილია, ვან გაალი ლაპორტეს (“ბილბაო”), კლაინს (“საუთჰემპტონი”), გოდინსა (“ატლეტიკო”) და ჰუმელსს (“დორტმუნდი”) აკვირდება.

გარდა ამისა, გამოცდილი მწვრთნელი სამი მოთამაშის გაყიდვას გეგმავს. ესენი არიან: ლინდეგაარდი, ნანი და ანდერსონი.