ესტონეთის საფეხბურთო კავშირმა ბუქმეკერული თაღლითობისთვის 26 ფეხბურთელს დისკვალიფიკაცია მიუსაჯა. 9 მოთამაშე სამუდამოდაა დისკვალიფიცირებული, ხოლო დანარჩენები მოედანს სხვა და სხვა პერიოდით ჩამოაშორეს.

მიღებულ გადაწყვეტილებას ესტონეთის საფეხბურთო კავშირის პრეზიდენტმა აივარ პოლაკმა ასეთი კომენტარი გაუკეთა:

“ჩატარებული გამოძიების შემდეგ, 20 მოწმის ჩვენება მივიღეთ და ამის საფუძველზე დეტალური რაპორტი შედგა. საქმის ასობით გვერდი დავამუშავეთ, კონტაქტი პოლიციასთან, პროკურატურასთან, უეფასთან და სხვა ქვეყნების საფეხბურთო ასოციაციებთან გვქონდა. ესტონურ სპორტში მსგავსი მასშტაბური გამოძიება აქამდე არ ყოფილა.

გამოძიების დროს დადგინდა, რომ 2009-2012 წლებში ადგილი ესტონეთის ჩემპიონატის, ესტონეთის თასის, ესტონეთის ახალგაზრდული ნაკრების მატჩების შედეგებით მანიპულირებას ან მანიპულირების მცდელობას ჰქონდა. მანიპულაციების ნაწილი ვერ განხორციელდა, მაგრამ თაღლითობის დაახლოებით 20 ფაქტი გამოვავლინეთ. ზოგიერთ შემთხვევაში მოთამაშეებს, რომლებიც მანიპულაციებში ჩარეულნი იყვნენ, ემუქრებოდნენ და ამიტომ, იძულებული ვიყავით პოლიციისთვის მიგვემართა.

არსებობს ორი განსხვავებული საქმე – სასამართლო წარმოება, რომელშიც ესტონეთის კანონმდებლობის დარღვევა განიხილება და სადისციპლინო წარმოება, სადაც საფეხბურთო კავშირის სადისციპლინო დარღვევებს განიხილავენ. ჩვენი პოზიცია ნათელია და ამის თაობაზე კონსულტაცია იუსტიციის სამინისტროსთან გავიარეთ – ბუქმეკერული თაღლითობა საჭიროა სისხლის სამართლის დარღვევათა ნუსხაში შევიტანოთ. ევროკავშირის ზოგიერთ ქვეყანაში ასეთი ნორმა არსებობს: საფრანგეთში მატჩების შედეგების მანიპულირებისთვის შესაძლოა 5 წელი ციხეში გაატარო, პოლონეთში – 8 წელი, შვედეთში – 2 წელი”.

დისკვალიფიცირებული ფეხბურთელების სია:

ანტონ სერედა – სამუდამო დისკვალიფიკაცია.

მაქსიმე გრუზნევი - სამუდამო დისკვალიფიკაცია.

სერგეი ლეონტოვიჩი - სამუდამო დისკვალიფიკაცია.

სერგეი უსოლცევი - სამუდამო დისკვალიფიკაცია.

დენის იიგისტე - სამუდამო დისკვალიფიკაცია.

ინდრეკ სისკა - სამუდამო დისკვალიფიკაცია.

ანდრეს სისკა - სამუდამო დისკვალიფიკაცია.

მარტენ მიუტი - სამუდამო დისკვალიფიკაცია.

სილვერ ლიატი - სამუდამო დისკვალიფიკაცია.

ალექსანდრ კულიკი – 05.12.2020-მდე.

ალექსანდრ ბოლდირევი – 05.12.2020.

სტანისლავ პრინსი – 05.12.2018

ალექსანდრ კულინიჩი – 05.12.2018

ალბერტ ტაარი - 05.12.2018

ალან ვენტსელი - 05.12.2018

იან ლეიმანი - 05.12.2018

ერონ კრილო - 05.12.2018

მაქსიმ პოდხოლიუზინი – 05.12.2016

მაქსიმ პაპონოვი – 05.12.2016

მარტინ ჩეგოდაევი – 05.12.2015

ალექსანდრ ტარასენკოვი – 05.12.2015

ვიტალი გუსევი – 01.03.2015

ერიკ გრიგორიევი - 01.03.2015

სტანისლავ ტოკარევი - 01.03.2015

ალექსეი იახიმოვიჩი – 21.12.2014

იაროსლავ დმიტრიევი – 05.12.2016