მორგან დე სანკტისი “რომას” მაისურით 2016 წლის 16 ივნისამდე ითამაშებს. ფეხბურთელმა და კლუბმა ოფიციალურად დაადასტურეს ხელშეკრულების გახანგრძლივება. პირვანდელი კონტრაქტის თანახმად დე სანკტისი სეზონის ბოლოს დატოვებდა კლუბს, თუმცა მეკარის კლუბიდან წასვლა ერთი წლით გადაიდო.

“ეს დღე ძალიან მნიშვნელოვანია. კლუბმა მომცა შანსი კიდევ ერთი სეზონით დავრჩე კლუბში. იმედი მაქვს, კარგად ვითამაშებ და კონტრაქტის გახანგრძლივება კლუბის სწორი გადაწყვეტილება აღმოჩნდება”, - განაცხადა 37 წლის იტალიელმა.

დე სანკტისი კარიერის განმავლობაში “პესკარას,” “იუვენტუსის,” “უდინეზეს,” “სევილიას,” “გალათასარაისა” და “ნაპოლის” რიგებში თამაშობდა.

მორგანი 2013 წელს რომაულ კლუბში გადავიდა. მიმდინარე სეზონში დე სანკტისი 11 შეხვედრაში “რომას” სასტარტო თერთმეტეულში ვიხილეთ.