“მანჩესტერ იუნაიტედის” 25 წლის მცველმა კრის სმოლინგმა ჟურნალისტებთან საუბრისას განაცხადა, რომ გუნდი კარგ ფორმაშია და პრემიერლიგის მოგება შეუძლია.

“კარგ ფორმაში ვიმყოფებით. ზედიზედ 4 შეხვედრაში მოვახერხეთ გამარჯვება, რამაც განგვიმტკიცა რწმენა, რომ პრემიერლიგის მოგებას მოვახერხებთ.
ახლა ვემზადებით 2 პრინციპული შეხვედრისთვის, რომელიც “საუთჰემპტონის” და “ლივერპულის” წინააღმდეგ გველოდება”, - განაცხადა სმოლინგმა.

იმ შემთხვევაში, თუ “მანჩესტერი” 15-ე ტურში, მის უშუალო კონკურენტს “საუთჰემპტონს” დაამარცხებს, ვან გაალის მიერ გაწვრთნილი “წითელი ეშმაკები” უკვე მესამე პოზიციაზე აინაცვლებენ.

დღეისთვის “მანჩესტერი” 25 ქულით ცხრილის მეოთხე საფეხურზეა და ქულით ჩამორჩება მესამეზე მყოფ “საუთჰემპტონს”.