“მანჩესტერ სიტის” ნახევარმცველი ფრენკ ლამპარდი გუნდში იმ შემთხვევაში დარჩება, თუ ინგლისის მოქმედი ჩემპიონი ჩემპიონთა ლიგის პლეი ოფში გავა.

36 წლის ფეხბურთელსა და კლუბს შორის გაფორმებულ კონტრაქტში არის პუნქტი, რომლის თანახმადაც განათხოვრების შეთანხმება შესაძლოა სეზონის ბოლომდე გაგრძელდეს. თჰე თელეგრაპჰ-ის ცნობით, ლამპარდი “სიტიში” იმ შემთხვევაში დარჩება, თუ გუნდი ჩემპიონთა ლიგის 1/8-ფინალში გავა, მისი საგზური კი 10 დეკემბერს, “რომასთან” მატჩში გათამაშდება.

რადგან ზამთარში გუნდის საკვანძო ფიგურა იაია ტურე აფრიკის თასზე მიემგზავრება, ამ ტურნირის ჩატარების პერიოდში ინგლისურ კლუბს მის შესაცვლელად გამოცდილი ფეხბურთელი დასჭირდება, თუმცა, თუ “სიტი” ჩემპიონთა ლიგას გამოეთიშება, მაშინ შესაძლოა ტურესა და ლამპარდის გარეშეც გავიდეს ფონს. პელეგრინის განკარგულებაში ფერნანდინიო, ფერნანდო, მილნერი და დემიკელისი იქნებიან და არცთუ გადატვირთული კალენდარის ფონზე, დამატებითი მოთამაშის არსებობა აზრს დაკარგავს.

მიმდინარე სეზონში ლამპარდმა მანჩესტერული კლუბის მაისურით 11 მატჩი ჩაატარა და 5 გოლი გაიტანა.