ანდრეს კარასკო, რომელიც საფეხბურთო კლუბ “საბურთალოს” აკადემიას ხელმძღვანელობდა, ესპანეთის სეგუნდა დივიზიონში მოასპარეზე “საბადელაში” ალექს გარსიას დაეხმარება. ამის შესახებ “მსოფლიო სპორტს” “საბურთალოს” პრესატაშე კახა მგელაძემ აცნობა.
კარასკო ესპანეთში ორშაბათ გამთენიისას გაემგზავრა, მაგრამ ის საბურთალოელებთან კავშირს არ წყვეტს. ესპანელი რამდენიმე თვეში ერთხელ ჩამოვა საქართველოში, რათა აკადემიის მუშაობას ადგილზე დააკვირდეს. მასთან უშუალოდ კონტაქტი გიორგი დეკანოსიძეს ექნება, რომელიც აქამდე კარასკოს ეხმარებოდა.
