“ჩელსის” მეკარე პეტრ ჩეხი “მილანის” ინტერესის სფეროში მოხვდა, იუწყება Daily Mirror. ტრანსფერი შესაძლოა ზამთრის სატრანსფერო ფანჯრის დროს განხორციელდეს. “მილანი” ჩეხის ყიდვას 7 მილიონ გირვანქა სტერლინგად გეგმავს.
აქამდე გავრცელებული ინფორმაციით, 32 წლის ჩეხი შესაძლოა “არსენალში” გადასულიყო, მაგრამ “მეთოფეების” ხელმძღვანელობამ მეკარის დამატებაზე უარი განაცხადა. ამ სეზონში ჩეხმა ძირითად შემადგენლობაში ადგილი დაკარგა. სულ 5 მატჩი ჩაატარა და 3 გოლი გაუშვა, “ჩელსის” ძირითადი მეკარე კი ბელგიელი ტიბო კურტუა გახდა, რომელიც აქამდე მადრიდის “ატლეტიკოში” იყო განათხოვრებული.
