ფეხბურთი

11:45 | 10.11.2014 | ნანახია [] - ჯერ

"დორტმუნდი" და საბერძნეთი პაპასტატოპულოსს მოისაკლისებენ

დორტმუნდის "ბორუსიას" და საბერძნეთის ეროვნული ნაკრების ცენტრალური მცველი სოკრატის პაპასტატოპულოსი ტრავმირებულია. აღნიშნულ ინფორმაციას გერმანული გრანდის ოფიციალური ვებგვერდი ავრცელებს.

კვირას, ბუნდესლიგის მე-11 ტურის მატჩში დორტმუნდელებმა შინ "გლადბახის" წინააღმდეგ კრამერის ავტოგოლის წყალობით მოიგეს. ბერძენმა მცველმა მატჩის დასრულებამდე რამდენიმე წუთით ადრე ფეხის კუნთის ტრავმა მიიღო და შესაცვლელი გახდა.

"ბორუსიას" მედიკოსთა ჯგუფი სოკრატისს გამოკვლევას ჩაუტარებს და ცნობილი გახდება თუ რამდენი ხანი დააკლდება ბერძენი "დორტმუნდს". სოკრატისი საბერძნეთის ეროვნულ ნაკრებშიც გახლდათ გამოძახებული, თუმცა დიდი ალბათობით ეროვნულ გუნდს ნოემბრის მატჩებში ვერ დაეხმარება.

მიმდინარე სეზონში სოკრატისი სტაბილურობით გამოირჩევა - "დორტმუნდის" მაისურით ყველა მატჩში მიიღო მონაწილეობა და 18 შეხვედრაში 2 გოლიც გაიტანა.

0.110051