თავისუფალი სტილით მოჭიდავე გენო პეტრიაშვილს (120 კგ) აგვისტოში ზაგრებში გამართულ ახალგაზრდულ მსოფლიო ჩემპიონატზე მოპოვებული ოქროს მედალი დოპინგ-ტესტზე ჩავარდნის გამო ჩამოართვეს. აღნიშნულ ინფორმაციას კანადის ჭიდაობის ფედერაციის ვებგვერდი wrestling.ca ავრცელებს.

პეტრიაშვილმა მსოფლიო ჩემპიონატის ფინალში კანადელი ამარ დესი დაამარცხა. ფინალური დაპირისპირების შემდეგ ჩატარებულმა დოპინგ-ტესტმა ქართველი მოჭიდავის სისხლში აკრძალული პრეპარატის, პროდუქტალის კვალი აღმოაჩინა. ამის გამო პეტრიაშვილი 6-თვიანი დისკვალიფიკაციით დაისაჯა, ახლა კი ფილამ კანადის ჭიდაობის ფედერაციას აცნობა, რომ პეტრიაშვილს ჩემპიონის ტიტულიც ჩამოერთვა და ამარ დესის გადაეცა.