სან-სებასტიანის “რეალ სოსიედადმა” ფრედ, 0:0 ითამაშა ლა კორუნიაში, “დეპორტივოსთან”. ასეთი იყო გუნდში 12 დღის წინ დანიშნული დევიდ მოესის დებიუტი.
51 წლის შოტლანდიელმა მწვრთნელმა, რომელიც სამშობლოში “ევერტონსა” და “მანჩესტერ იუნაიტედს” წვრთნიდა, ესპანური ენის სწავლა დაიწყო. ამ ეტაპზე მოთამაშეებისა და მოიესის ურთიერთობა თარჯიმნის დახმარებით ხერხდება.
“მწვრთნელი ითხოვდა ჩვენგან ენერგიულ, ინტენსიურ თამაშს. პირველ ტაიმში რამდენიმე რეალური შანსი გვქონდა და ფეხბურთელთა გარჯას მოიესისთვის უკმაყოფილების საბაბი არ უნდა დაეტოვებინა.” – თქვა მატჩის შემდგომ “სოსიედადის” ნახევარმცველმა სერხიო კანალესმა.
კვირა დილისთვის “სოსიედადი” 10 ქულით ესპანეთის ჩემპიონატში მე-14 ადგილზეა.
