მოსკოვის “სპარტაკის” მთავარი მწვრთნელის მურატ იაკინის თქმით, თავად ჯანო ანანიძეზეა დამოკიდებული მოხვდება თუ არა კვირას რუსეთის პრემიერლიგაში “მორდოვიასთან” გასამართ მატჩში სასტარტო შემადგენლობაში.
“კერ კიდევ პაუზამდე, რომელიც სანაკრებო მატჩებს უკავშირდება, ის კვირის განმავლობაში გუნდთან ერთად ვარჯიშობდა. ახლაც პირველ შემადგენლობაში მუშაობს. ვნახოთ, უახლოეს ვარჯიშებზე ჯანო თავს როგორ წარმოაჩენს. აქამდე, კარგად გამოიყურებოდა და ნებისმიერ მოთამაშეს მივესალმებით, რომელიც ფიზიკურად მატჩისთვის მზადაა. ზამთრის შესვენებამდე დარჩენილ ოთხ მატჩში შესაძლოა ნებისმიერი ფეხბურთელი დაგვჭირდეს” – იუწყება იაკინის სიტყვებს “სპარტაკის” ოფიციალური ვებგვერდი.
